ქორწილი და წვეულებები ღია სივრცეებში - ეს ის არის, რაც თანამედროვე ახალგაზრდებს ყველაზე ძალიან მოსწონთ. ერთ-ერთი პირველი, ვინც ამ ტიპის სივრცე შექმნა, ფოტოგრაფი გიორგი ტორონჯაძე და მისი მეუღლე არიან. რა გახდა, დახურული, კლასიკური სივრცეებიდან წვეულებების ამ ტიპის სივრცეებში გატანის მიზეზი, ამის შესახებ ფოტოგრაფი და "SHTAB-ის შემქმნელი გვესაუბრება.

- რატომ გახდა ტრენდული გარე სივრცეში საქორწილო წვეულება. არ იქნება გაზვიადებული თუ ვიტყვით, რომ ქორწილი დარბაზში აღარ არის „პონტი“. განსაკუთრებით თბილ სეზონებზე, როცა ამინდი იძლევა ამის საშუალებას.

- ღია სივრცეებში, ქორწილის აღნიშვნის ტრენდულობა, განაპირობა იმან, რომ უფროსი თაობა, რომლებსაც „რესტარნის“ ქორწილები ურჩევნიათ, ვეღარ ერევიან შვილების თაობას, რომლებმაც გააცნოებიერეს, რომ რესტორანში ჭიქების ჭახუნს, სჯობს შენი განსაკუთრებული დღე, მეტად დასამახსოვრებელი გახადო და ლამაზ სივრცეში, ლამაზი ხედით, შენს მეგობრებთან ერთად ძალიან კარგი დრო ატარო.

- მოგვიყევი შტაბის შექმნის ისტორია.

- "SHTAB” მე და ჩემმა მეუღლემ, სამი წლის წინ შევქმენით. მიუხედავად იმისა, რომ წვეულებებისთვის ქირავდებოდა სახლები, მაინც არ იყო კომფორტული სივრცე, სადაც თავისუფლად, კარგად გაერთობოდი, მუსიკას თავისუფლად მოუსმენდი და ა.შ.  დავიწყეთ ძიება და ვიპოვეთ რესტორანი „ნაფეტვრები“, რომელიც სრულიად გადავაკეთეთ წვეულებების სივრცედ.

შემდეგ უკვე ექვსი თვის შემდეგ აღმოვაჩინეთ, რომ ძალიან კარგი ეზო გვქონდა  და ეს ეზო ავითვისეთ საზაფხულო პროექტისთვის „აუზზე“ . სამი თვით გამოვდივართ გარეთ და ვეგებებით მზეს, შემდეგ კი შევდივართ ისევ „შტაბში“.

 წელს გადავწყვიტეთ, რომ ქორწილებისთვისაც დაგვეთმო “SHTAB”-ის  სივრცე და შედეგმა აქაც გადააჭარბა მოლოდინს. ძალიან ბევრი ქორწილი გვქონდა, ბევრი ქორწილი იგეგმება. სექტემბერში, მოთხოვნის მიუხედავად ადგილები თითქმის აღარ გვაქვს. თბილისიდან მხოლოდ 1,5 კმ-ია დაშორება , სულ ხუთი წუთის სავალ გზაზე და მიუხედავად ამისა, საერთოდ არ იგრძნობა, რომ თბილისში ხარ - ეს ძალიან მოსწონთ.

- ქორწილის გარდა, რაში შეიძლება გამოიყენონ ეს სივრცე და რამდენად ხელმისაწვდომია ის?

- შტაბი არის სივრცე ყველა ტიპის წვეულებისთ. ეს იქნება დაბადების დღე, კორპორაციული წვეულება თუ ქორწილი. კარგი სასმელით, ფურშეტი, ფოტოგრაფით, გიფერით. ყველაფრით, რაც კარგი წვეულების აღნიშნვნას სჭირდება.