პანდემიის გამო, პატარძლების უმრავლესობამ შეაჩერა საქორწილო მზადება და შესაბამისად, კაბის შერჩევაც, მაგრამ ვიმედოვნებთ, რომ სულ მალე ყველაფერი ჩვეულ რითმს დაუბრუნდება და თქვენ თამამად შეუდგებით, როგორც მზადებას, ასევე საოცნებო კაბის შერჩევას.
სტატიაში შემოგთავაზებთ 2020/2021 წლის შემოდგომა-ზამთრის წამყვანი დიზაინერების მინი-კაბების კოლექციებს. დაათვალიერეთ, იქნებ რომელიმე მათგანი სწორედ ის, თქვენთვის სასურველი კაბა აღმოჩნდეს.

მიუხედავად იმისა, რომ კლასიკური საქორწილო მოდის კანონად თეთრი გრძელი კაბის ჩაცმა ითვლება საჭიროდ, თანამედროვე საზოგადოებაში თქვენ შეგიძლიათ თავს უფლება მისცეთ შეარჩიოთ ნებისმიერი ფერის, ფასონისა და სიგრძის კაბა. რაც შეეხება სტატიის მთავარ ობიექტს, თეთრ მინი-კაბას - ეს გემოვნების, პრიორიტეტებისა და სიყვარულის კიდევ სხვა ნაირსახეობაა. დიზაინერები ყოველ სეზონზე თავიანთ კოლექციაში, როგორც მინიმუმ ერთ მოკლე კაბას მაინც გვაჩვენებენ, რომლებიც საშუალებას იძლევა, თქვენს საქორწილო ლუქს ცოტაოდენი განსხვავებულობა, ავანგარდულობა და სითამამე შემატოს. ამას გარდა მინი-კაბა პატარძლის ლამაზი ფეხების გამოჩენის საშუალებასაც იძლევა. ასევე, თქვენ თავისუფლად შეგეძლებათ თქვენი კაბა დღესასწაულის მერეც არაერთხელ ჩაიცვათ.

არ შეიძლება საქორწილო მინი-კაბების არაღიარება, მასში გამოწყობილი თქვენ თამამად შეგიძლიათ, როგორც ოფიციალურ ხელმოწერაზე წასვლა, ასევე თქვენი საქორწილო ლუქის ძირითად კაბად გამოიყენოთ, ჩაიცვათ ის ღონისძიებაზე, რომელსაც შესაძლოა ატარებდეთ ღია სივრცეში ან საერთოდაც გამოიცვალოთ გრძელი საქორწილო კაბა და შეცვალოთ ის მინი-კაბით, რათა კომფორტულად და თავისუფლად, სიამოვნებით იცეკვოთ დილამდე.

2020/2021 წლის შემოდგომა ზამთრის ბრენდების კოლექციებში წარმოდგენილია თეთრი მინი-კაბების ყველა შესაძლებელი ვარიაცია. მაგალითად, Reem Acra-მ წარმოადგინა მაქმანიანი

კაბა-ბიუსტჰალტერი, Lela Rose-მა გაალამაზეს კაბის ქვედაბოლო მასიური, მაგრამ ძალიან ნაზი ბუმბულებით, Oscar de la Renta-მ გვაჩვენეს კლასიკური მასიური კაბის თანამედროვე ვარიანტი. Galvan-მა კი არჩევანი ელეგანტურ, აბრეშუმის კაბაზე შეაჩერეს.

წარმოგიდგენთ ბრენდების კოლექციიდან თეთრ მინი-კაბების რამდენიმე ვარიანტს, რომლებიც შესაფერისი იქნება პატარძლის, როგორც ძირითადი ჩაცმულობისთვის, ასევე მეორე, დამატებითი ვარიანტისთვის (საღამოსთვის) - Tadashi Shoji-ის აჟურული კაბიდან, Burberry-ის ბრწყინვალე გრძელ მკლავიანი ფაფუკი კაბით დამთავრებული.