ქალაქის შექმნის მიზანია მე-19 საუკუნის ბოლოსა და მე-20 საუკუნის დასაწყისის თბილისის ცხოვრების სტილის გაცოცხლება და მისი თანამედროვე სამყაროსთან ჰარმონიული შერწყმა.
ლამაზი, დახვეწილი ინტერიერი შექმნილია მე-19 საუკუნის თბილისის არქიტექტურის მიხედვით. განსხვავებული დიზაინის დარბაზები - ეზო, აპარტამენტი, ტერასა, ბიბლიოთეკა, ლოჟა და ბრინჯაოს დარბაზი - მთლიანობაში ქმნის იდეალურ სივრცეს, ორიენტირებულს თითოეული სტუმრის მაქსიმალურ კომფორტსა და სიამოვნებაზე.
კულინარიული სიახლეებისა და თანამედროვე ტექნოლოგიების დასამკვიდრებლად, ქალაქმა ფრანგი შეფ-მზარეულები მოიწვია. მიშლენის ვარსკვლავის მქონე შეფმა, ნიკოლა იზნარმა და მისი გუნდის წევრმა, დევიდ ტავერნიემ, დეტალურად შეისწავლეს ქართული ტრადიციული კერძების გემოები, ინგრედიენტები და მომზადების ტექნოლოგია. ქართველ მზარეულებთან ერთად, ერთი წლის განმავლობაში მუშაობდნენ ტრადიციული კერძების შემსუბუქებაზე. მოხდა რამდენიმე კერძის გადასხვაფერება და მსოფლიო სტანდარტების შესაბამისი „ფიუჟენ“ კერძების შექმნა. ეს „ფიუჟენ“ კერძები ქალაქის მენიუს სეზონურად დაემატება, რითიც მუდმივად შევძლებთ სტუმრებს სიახლეები შევთავაზოთ. ქართული „ფიუჟენ“ კერძების გარდა სტუმარს შეუძლია დააგემოვნოს ქართული ტრადიციული და მსოფლიო კულინარიის ცნობილი კერძები.
ფრანგი შეფების მიერ სპეციალურად ქალაქისთვის შეიქმნა ახალი, უნიკალური კერძები, ასევე მათი რეცეპტით მზადდება საკონდიტრო ნაწარმი და ტკბილეულობა. ქართველ მზარეულებთან ერთად, თანამედროვე კულინარიული სიახლეების გამოყენებით, ქართული კერძების გადასხვაფერებაზე მუშაობა გრძელდება. მსოფლიოში ცნობილი შეფები პერიოდულად ეწვევიან ქალაქს, რაც გაზრდის ქართველი მზარეულების ცოდნას და გამოცდილებას.
ქალაქი - ეს არის ადგილი უგემრიელიესი კერძებითა და საუკეთესო ქართულ-ევროპული ღვინოებით, დახვეწილი მუსიკალური პროგრამით, მომღიმარი, თავაზიანი მიმტანებითა და მენეჯერებით, რომელიც ყველა ადამიანს საშუალებას აძლევს დროში და სივრცეში იმოგზაუროს, შეეხოს, დააგემოვნოს და შეიგრძნოს ის გარემო რომელშიც ვიცხოვრებდით, რომ არა მე-20 საუკუნის ისტორიული მოვლენები, რომელმაც რადიკალური ცვლილებები შეიტანა ჩვენს ცხოვრებაში.
ქალაქი - შექმნილი შენთვის.