წარმატებული კომპანიის ისტორია ყოველთვის იწყება კრეატიული პიროვნებების გაბედული იდეებით. სწორედ ასეთია დეველოპერული კომპანია "ალიანს ჯგუფის" (Alliance Group) ისტორია.

2005 წელს ჩამოყალიბდა შპს "ალიანს+", (Alliance+) რომლის პირველივე პროექტი რევოლუციური იყო იმდროინდელი საქართველოსათვის - ბათუმში დაიწყო თანამედროვე საცხოვრებელი სახლის მშენებლობა.

2008 წელს რებრენდინგის შედეგად კომპანიამ სხვა სახელით განაგრძო მოღვაწეობა, თუმცა, 2015 წლიდან დეველოპერულ ბაზარზე კომპანიამ ისევ ძველი სახელით გააგრძელა მუშაობა. 

მალევე კომპანიამ წამოიწყო კიდევ ერთი ნოვატორული პროექტი - "სასტუმროს ტიპის საცხოვრებელი სახლი". იგი ერთ-ერთ ყველაზე მოთხოვნად პროდუქტად იქცა როგორც საქართველოში, ასევე მის ფარგლებს გარეთ. სწორედ ამ კონცეფციის შედეგად იქცა ბათუმი უძრავი ქონების საერთაშორისო ბაზარზე ინვესტიციებისთვის მიმზიდველ ქალაქად. 

"ალიანს ჯგუფის" დამფუძნებლებმა სხვადასხვა კომპანიებთან თანამშრომლობით ააშენეს ოცზე მეტი საცხოვრებელი კომპლექსი და აპარტოტელი, ხუთი ათასზე მეტი ბინა და აპარტამენტი, ჩაბარებული აქვთ ერთ მილიონზე მეტი კვადრატული მეტრი სამშენებლო ფართობი. ეს ჩამონათვალი კომპანიის და მისი დამფუძნებლების უზარმაზარ გამოცდილებას ადასტურებს.

2015 წელს "ალიანს ჯგუფის" ისტორიაში სრულიად ახალი და გამორჩეული საფეხური დაიწყო. რეგიონის დეველოპერულ ბაზარზე პირველად "ალიანს ჯგუფმა" საკუთარ პროექტებში მსოფლიოში აღიარებული სასტუმრო ბრენდები - ამერიკული "ქორთიარდ ბაი მარიოტი" (Courtyard By Marriott), ასევე ამერიკული "ვინდემ გარდენი" (Wyndham Garden), "რამადა" (Ramada) და საქართველოში რიგით მერვე "მარიოტი" (Marriott) შემოიყვანა.

ასევე აღსანიშნავია, რომ გლობალური სასტუმრო ბრენდების შემოყვანის პარალელურად "ალიანს ჯგუფმა" კომპლექსების მართვა და გაქირავება ისეთ აღიარებულ საერთაშორისო მენეჯმენტკომპანიებს დაუკავშირა, როგორებიც შვეიცარიული "სოფოს ჰოტელსი" (Sophos Hotels SA) და ამერიკული "მაკინერნი ჰოსპიტალიტი ინტერნეიშენალი" (McInerney Hospitality International) არიან.  

მისია და მიზნები

ჩვენი მიზანია შევქმნათ ექსკლუზიური, პრემიუმ კლასის, კომფორტული, კლიენტებისთვისა და ქვეყნისთვის ეკონომიკურად მომგებიანი საცხოვრებელი კომპლექსები, რომელიც დააკმაყოფილებს საერთაშორისო სტანდარტებს, როგორც მშენებლობისა და გამოყენებული მასალების ხარისხით, ასევე კომპლექსებში განთავსებული მომსახურებითა და ინფრასტრუქტურით.

ჩვენი, "ალიანს ჯგუფის" მიერ აშენებული აპარტამენტები, კომფორტული პირობების შექმნის გარდა, მეპატრონეებს საკუთარი ინვესტიციებიდან სარგებლის მიღების საშუალებასაც აძლევს.

"ალიანს ჯგუფის" მისია ინოვაციური პროდუქტების შექმნა და უძრავი ქონების ბაზრის განვითარებაა, რაც, საერთო ჯამში, რეგიონის საინვესტიციო მიმზიდველობას მნიშვნელოვნად ზრდის.