პროდუქტები
სასტუმრო „ტრიბეკა" მდებარეობს თბილისის ერთ-ერთ ცენტრალურ უბანში, კერძოდ აღმაშენებლის გამზირზე. „ტრიბეკას" ადგილმდებარეობა საშუალებას მოგცემთ ისიამოვნოთ აქ მდებარე რესტორნებით, ბარებით, თეატრებითა და პატარა კაფეებით, რომელიც მისაღებია ყველა გემოვნების ადამიანისთვის.
სასტუმროს სახელი ნიუ იორკის ერთ-ერთი ქუჩის - ტრიბეკას სახელიდან მოდის (გვაგონებს ქუჩას, სადაც მდებარეობს ჩვენი სასტუმრო), რომელიც მე-19 საუკუნეში გახდა პოპულარული, როცა ამ ქუჩაზე მოდელები და მსახიობები დასახელდნენ, გაიხსნა უამრავი რესტორანი, ბარი და თეატრი.
ქუჩის სახელი წარმოადგენს აბრევიატურას: "Triangle Below Canal Street".
სასტუმროს შენობა აგებულია გერმანელი არქიტექტორის ალბერტ ზალცმანის 1872 წელს შედგენილი პროექტის მიხედვით.
სასტუმროში სულ 38 ოთახია, რომელიც დაყოფილია კომფორტ და დელუქს ტიპის ოთახებად. ყველა ოთახი უზრუნველყოფილია ინდივიდუალური კონდიციონერით, პლაზმური ტელევიზორით, სააბაზანოთი და კომფორტული საწოლებით. ასევე შესაძლებელია ორი კომფორტ ოთახის გაერთიანება და საოჯახო ნომრის შექმნა, ისინი ერთმანეთთან დაკავშირებულია გამყოფი კარით.
სასტუმროს მყუდრო მიმღებში, შეგიძლიათ მიირთვათ ცხელი სასმელი, ეწვიოთ ღვინის კუთხეს და დააგემოვნოთ ქართული კერძები ქართულ, ტრადიციულ რესტორანში, სადაც შეგიძლიათ მოხვდეთ როგორც კიბით, ასევე სასტუმროს მისაღებში მდებარე ლიფტით.
სასტუმროს მესამე სართულზე თქვენ მოგემსახურებათ SAPERAVI CLUB, ორივე მხარეს მყუდრო ტერასითა და ლამაზი ხედით ქალაქზე.
ჩვენი პროფესიონალები მზად არიან, გაგიმასპინძლდნენ გემრიელი სამზარეულოთი და სხვადასხვა სასმელით, შემოგთავაზონ ქართული ღვინის დიდი არჩევანი.
სასტუმროს გუნდი მზად არის, თქვენი დასვენება გახადოს დაუვიწყარი. ჩვენი ფრონტ ოფისი, რომელიც თითოეულ სტუმარს გულითადი ღიმილით ეგებება, თქვენს ყველა სურვილს გაითვალისწინებს და გულითად მასპინძლობას გაგიწევთ.
ისინი დაგეხმარებიან რესტორნების, საინტერესო ადგილების, ქალაქის აუცილებლად სანახავი ადგილების, საინტერესო ტურების შერჩევაში. დამატებით იზრუნებენ თქვენთვის აეროპორტის ტრანსფერის, თეატრის ბილეთების დაჯავშნისთვის. სურვილის შემთხვევაში, ჩვენ გაგიწევთ დახმარებას სხვა საკითხების მოგვარებაშიც.
სასტუმრო „ტრიბეკა"- ეს არის იდეალური ადგილი თბილისში მოგზაურობის დროს გასაჩერებლად.
იგრძენით თავი სახლში!
სასტუმრო „ტრიბეკა"
ვრცლად
დაჯავშნა