ამ სტატიაში მოგიყვებით, თუ როგორ დასვათ თქვენი ქორწილის ფინალური წერტილი ლამაზად და ეფექტურად, იმისათვის რომ, როგორც თქვენ, ასევე თქვენს სტუმრებს დარჩეთ თბილი, განსაკუთრებული და დაუვიწყარი ემოციები.

არავითარ შემთხვევაში არ ღირს ქორწილის ფინალის უგულვებელყოფა: საღამოს ლამაზად დასრულება ისეთივე მნიშვნელოვანია, როგორც მისი დასაწყისი. ქორწილის დღის ბოლო არის ის მომენტი, როდესაც ხელახლა იწყება უამრავი ემოციის ფრქვევა, თქვენ უკვე გესმით, ხედავთ, რომ თქვენთვის ყველაზე მნიშვნელოვანმა დღემ იდეალურად ჩაიარა, თქვენ უკვე ოფიციალურად იმყოფებით ქორწინებაში, თქვენ უზომოდ ბედნიერი ხართ, ყველა თქვენი სტუმარი კი კმაყოფილი. როგორიც არ უნდა იყოს თქვენი არჩევანი, ჩვენ გთავაზობთ ყველაზე პოპულარულ ვარიანტებს, თუ როგორ შეგიძლიათ ეფექტურად დაასრულოთ ღონისძიების ოფიციალური ნაწილი.

გრანდიოზული ფინალი - მასშტაბური ქორწილებისთვის

ერთ-ერთი ყველაზე ეფექტური და სანახაობრივად ულამაზესი საშულება რომ დაასრულოთ საღამო არის - ცეცხლოვანი შოუ და ფეიერვერკები. ცეცხლოვანი შოუ - ეს არის რამდენიმე არტისტის გამოსვლის ერთობლიობა მუსიკალური გაფორმების თანხლებით, ცეცხლოვანი აპარატების, განათების მოწყობილობებისა და სხვა და სხვა პიროტექნიკის გამოყენებით. ეს ულამაზესი სანახაობა ხშირად მთავრდება გრანდიოზული ფეიერვერკებით. ფეიერვერკი როგორც წესი ისეთივე გრანდიოზულია, როგორიც ქალაქის დღესასწაულზე ან საახალწლო ღონისძიებებზე.
გაითვალისწინეთ, რომ ყველა მოედანს არ აქვს ამ პერფომანსის განხორციელების შესაძლებლობა,  ფეიერვერკისთვის კი ნაწილობრივ საჭიროა სპეციალური ნებართვა, რომლის მიღებას, როგორც წესი პიროტექნიკის კომპანიების წარმომადგენლები ახორციელებენ.

გულისამაჩუყებელი ფინალი - პატარა ქორწილებისთვის

თუ თქვენი ქორწილი იმართება მხოლოდ მეგობრულ და ვიწრო წრის ფორმატში, ყველაზე ჰარმონიული, მყუდრო და თბილი ფინალური წერტილი - ყველა სტუმრის ხელში ანთებული ბენგალური ცეცხლები იქნება, რომლებსაც თან შეიძლება ახლდეს სტუმრების თბილი სურვილების შეძახილები ახალდაქორწინებულებს.

ამას გარდა, ეს ასე გულისამაჩუყებელი რიტუალი არაჩვეულებრივად გამოიყურება ფოტოებზე.

უნივერსალური - ყველასთვის

დღესდღეობით, როგორ წესი ცერემონიის ზონა ასევე გამოიყენება საქორწილო ტორტის ადგილად. განათების მოწყობილობების წყალობით, იმ ადგილას, სადაც რეგისტრაცია განხორციელდა, შეგიძლიათ ახალი ფერები შემატოთ და ასე თუნდაც სრულიად შეიცვალოთ გარემო და გახადოთ ის მეტად ეფექტური.

როგორც წესი, წყვილი სწორედ ამ ფონზე ჭრის ტორტს და მადლობის სიტყვებს უძღვნის იმ ადამიანებს, რომლებიც მათ გვერდით იყვნენ, მათთვის ასეთ განსაკუთრებულ და მნიშვნელოვან დღეს. ასეთი თბილი ფინალი, უდავოდ ყველას სასიამოვნოდ დაამახსოვრდება.