პოლაროიდი არის - შესანიშნავი საშუალება, როგორც თქვენი საქორწილო ძალიან დახვეწილი და ორიგინალური სურათების გადასაღებად, ასევე სტუმრების გასართობად.

   ჩვენ გვიყვარს პოლაროიდები მათი სტილის გამო და იმიტომ, რომ მათი საშუალებით ნებისმიერი ფოტო განსაკუთრებული ხდება. როგორი უჩვეულოა ამ დროში დიდი, ლამაზი ფოტოაპარატის ხელში დაჭერა, ობიექტივის გასწორება, აპარატის პატარა თვალში უჩვეულოდ მზერა და უეცარი ბლიცის გაელვება, რომელიც გაკვირვებას იწვევს იმ შემთხვევაშიც კი, თუ მისთვის სრულებით მზად ხართ. შემდეგ დაბეჭდილის სურათის ქნევა და მოუთმენელი ლოდინი იმასა, თუ როგორ ჩნდება ნელ-ნელა ქათქათა ფურცელზე სილუეტი. სმარტფონების საუკუნეში, ეს ასე კონტრასტული სურათები, ნაცნობი თეთრი ხაზებით განსაკუთრებულად მომხიბვლელია. თუ ამ ყველაფერმა კიდევ არ დაგარწმუნათ, რომ ქორწილში აუცილებლად გჭირდებათ პოლაროიდი, გთავაზობთ კონკრეტულ იდეებს თუ როგორ შეგიძლიათ მისი გამოყენება.

ფოტოსესიისთვის

რა თქმა უნდა თქვენ გეყოლებათ დაქირავებული ფოტოგრაფი და არ გენდომებათ რომ მთელი თქვენი რეპორტაჟი პოლაროდით იქნეს გადაღებული, მაგრამ რამდენიმე ასეთი ტიპის ფოტო, აუცილებლად გაამრავალფეროვნებს თქვენს საოჯახო ალბომს. ასეთი სტილის ფოტოები განსაკუთრებით დახვეწილი და ეფექტურია, პატარძლის მზადების პროცესის ასახვისას. კადრები მეჯვარეებთან/მოწმეებთან და რა თქმა უნდა თქვენს მეორე ნახევართან განსაკუთრებულ იერს იძენს. სხვათა შორის, რამდენიმე პოლაროიდი არაჩვეულებრივად შეავსებს ტრადიციული ლავ-სთორის ფოტოგადაღებას.

რჩევა: დაიმახსოვრეთ, რომ პოლაროიდის ბლიცი ამუქებს უკანა ფონს და ოდნავ ღია ფერს ხდის წინა პლანს. როგორც წესი, მათში მეტად გამოდის პორტრეტები, მთლიანობაში ადამიანების სურათები ან ახლო დეტალების აღბეჭვდა. პეიზაჟი, ინტერიერი და დეკორაცია კი შესაძლოა მუქად გამოჩნდეს.

სტუმრებისთვის

გადაიღოთ სურათები პოლაროიდით - თავისთავად გასართობი, სასიამოვნო და საინტერესო პროცესია, ამიტომ, პატარა მაგიდა აპარატით, შესაძლოა გახდეს სრულყოფილი აქტივობა და იქცეს სტუმრების ზონად. მოათავსეთ მაგიდაზე ცარიელი ალბომი, ასე სტუმრებს შეეძლებათ გადაუღონ ფოტოები საკუთარ თავს და იქვე ჩაწერონ სურვილები და გაგიზიარონ დღესასწაულის ემოციები. ასე ქორწილის დასრულებისთანავე, თქვენ უკვე მზად გექნებათ სრულყოფილი წიგნი თქვენს განსაკუთრებულ დღეზე.

რჩევა: პოლაროიდის ერთი სტანდარტული კარტრიჯი გათვლილია 10 სურათზე, ამიტომ დარწმუნდით რომ კარტრიჯები ყველასათვის საკმარისი იქნება. ასევე თქვენ შეგიძლიათ დაწეროთ მოკლე ინსტრუქცია მათი სწორი შეცვლის შესახებ, რადგან სტუმრები არ დაიბნენ. ასევე, სასურველია აპარატზე წინასწარ დააყენოთ საჭირო პარამეტრები.