„ლაბორატორია ჩემი სახლი“ „საერთაშორისო კორპორაცია აი სი არ“-ის ავეჯის მიმართულების პირველი კომპლექსური პროექტია, რომელიც უზრუნველყოფს მომხმარებლის ნებისმიერი სურვილის, ინდივიდუალური თუ ინდუსტრიული პროექტის განხორციელებას. ეს არის ბრენდი, რომელიც ქმნის ცხოვრების სტილს.

„ლაბორატორია ჩემი სახლი“ ერთი სარკმლის პრინციპით სთავაზობს მომხმარებელს არასტანდარტულ გადაწყვეტილებებს , მორგებულს სხვადასხვა ცხოვრების სტილზე. 10 000 კვ. მ-ის საგამოფენო სივრცეში წარმოდგენილია ავეჯი და აქსესუარები მსოფლიოს 15 ქვეყნიდან. აქვე შესაძლებელია წამყვანი საერთაშორისო ბრენდების შოურუმის ნახვა.

„ლაბორატორია ჩემი სახლი“ 3 მიმართულებას აერთიანებს:

ავეჯის სტილისტურად მდიდარ არჩევანს: აქ თქვენ შეგიძლიათ თქვენი ინტერიერი სრულიად განსხვავებულად აქციოთ თქვენთვის ინდივიდუალურად შერჩეული მასალის, ფერისა თუ მოპირკეთების საშუალებით.

დეკორაციისა და აქსესუარების მაღაზიას: რომელიც მოიცავს ვრცელ, სტილისტურ გამას. ფუნქციონალურად დეკორაცია აერთიანებს ყველაფერს, რაც საჭირო თუ სასურველია ინტერიერის გაფორმებისათვის - ჭურჭლის, ტექსტილის, განათებისა თუ უბრალოდ აქსესუარის ჩათვლით.

პროექტის ფარგლებში გაიხსნა აგრეთვე კაფე „ლაბორატორია“, სადაც მყუდრო და კომფორტულ გარემოში შესაძლებელია საქმიანი შეხვედრების გამართვა, განტვირთვა, სასიამოვნო დროის გატარება და უგემრიელესი კერძების დაგემოვნება.